Quirónsalud Dexeus Laguntza Bidezko Ugalketa Institutuan lehentasunezkoa da zure helburua lortzea. Horretarako, zure esku jarriko ditugu, arlo bakoitzean, diziplina anitzeko lan-taldea osatzen duten profesionalik onenak.
Emakumearen eta gizonaren ugalketa diagnostiko osoa, azkarra eta aldi berekoa, modu hurbil, erraz eta konfidentzialtasun osoarekin egitea ahalbidetzen duten azterketa protokolo ezberdinak ditugu. Frogen emaitzak izatean, bikotearen diagnostikoa zehatu eta tratamendurik egokiena gomendatzen da.
Gure lan-taldeak ikerkuntza iraunkorra eta etengabeko formakuntzarako konpromisoa du. Honek eguneratuta mantentzen gaitu. Kalitate maila altua exijitzen diogu egiten dugun lanari. Honetarako, ezinbestekoa da komunitate zientifikoaren parte izatea. Gure esperientziaren emaitzak klinikara doan pazientearentzako onurak dira: soluzio berritzaileak eta emaitza hobeak tekniketan lortu izana.
Gainera, finantzaziorako erraztasunak ematen ditugu,zure ametsa gurekin bete dezazun ahalik eta modu errazenean.
GINECOLOGiA eta OBSTETRIzIA unitatea
Quirónsalud Dexeus Murcia Laguntza Bidezko Ugalketa Institutuko Ginekologia eta Obstetrizia zerbitzuak kalitatea zaintzeko gama oso bat eskaintzen adin guztietako emakumeei haurdunalditik menopausiara iritsi arte. Enfasi handia jartzen dugu prebentzioan eta hezkuntzan. Gure adituak espezialistak dira emakumearen jarraipena egiten haurdunaldian zehar eta erditu ondoren.
Espezialistak gara emakumearen aparatu genitaleko gaixotasunetan, emakumearenak propio diren organoetan (ginekologia) eta giza ugalketaren fenomeno fisiko eta patologikoetan (ugalketa medikuntza).Gainera, Quirónsalud Dexeus Murciako espezialista lan-talde honek ekipamendu eta teknologia modernoena izateaz gain, egunez egun, espezialitate honetan ematen diren tendentzia eta berrikuntzen gaineko informazio guztia jasotzen du.
LAGUNTZA BIDEZKO UGALKETA PSICOLOGIA UNITATEa
Kontziente gara zein garrantzitsua den guraso izatea eta nolako krisiak sortzen dituzten ugalketa arazoek. Horregatik, Laguntza Bidezko Ugalketa Psikologia Unitatean arreta berezia eskaintzen diegu prozesuaren inplikazio emozionalei. Unitate hau erabilgarri dago behar duten paziente guztientzat.
Laguntza psikologikoak zalantzak argitzen ditu, pertsonak horrelako egoerei aurre nola egin jakiteko baliabideak ematen ditu eta estresa murrizten du.
GARRAIOBIDEAK:
- Tranbia: Abenarabi geltokia
- Autobusa: Rayo 20
- Taxia: Nahi baduzu, taxi zerbitzua eska dezakezu zentroko harreran.
- Dr. Víctor Villalobos
Laguntza Bidezko Institutuko koordinatzailea
- Dra. Katy De Paco
Ginekologia eta Obstetrizia espezialista eta Jaio Aurreko Diagnostiko Unitateko koordinatzailea
- Dña. Laura Sarabia
Biologoa eta laborategiko arduraduna
- Dña. Rosa Limiñana
Ugalketa Psikologian Espezialista
- Dr. Sven Petry
Especialista en Urología y Suelo Pélvico
- Bikotearen diagnostiko integrala
Emakumeari, kasuaren arabera, hainbat froga burutzen zaizkio: odol-analisia bere egoera hormonala ezagutzeko, ziklo menstrualaren azterketa erregularrak diren jakiteko, ekografia bat obulutegien egoera egiaztatzeko, kontrastezko erradiografia tronpen iragazkortasuna ondorioztatzeko (histerosalpingografia), etab.
Gizonari seminograma bat burutzen zaio espermatozoideen kantitatea eta kalitatea aztertzeko. Zenbait kasutan, bestelako froga osagarriak proposa daitezke, adibidez, FISH froga espermatozoideetan edo kariotipoan.
Bikotekideei diagnostikoa proposatu ondoren, banakako tratamendu bat gomendatuko zaie eraginkortasun handiena lortze aldera.
- Ezarpenaren Aurreko Diagnostiko Genetikoa (EADG)
Teknika honi esker enbrioien diagnostiko genetikoa burutu daiteke enbrioiak amaren uterora eraman aurretik. Gaixotasun genetikoen eramaileak diren bikoteen kasuan erabil daiteke patologia seme-alabei transmititzea ekiditeko, edota in vitro ernalketa programatik datozen bikote antzuen kasuan edo abortu errepikakorren aurrekariak dituzten emakumeengan.
- Jaio aurreko diagnostikoa
Duela denbora dezente, seme/alaba bat itxaroten ari den bikote batek gauza asko jakin ditzake jaiotzaren aurretik: bihotz txikiak nola taupadatzen duen, mutila ala neska den, gutxi gorabeherako pisua, etab. Zientzia oraindik ere aurrera doa, teknologiaren eskutik, eta aipagarria da, berriz ere, biak osasunaren zerbitzura jarri direla, seme/alaba baten etorrera ilusioz itxoiten ari diren bikoteentzat. Jaio aurreko diagnostikoa haurdunaldian zehar burutzen diren froga diagnostiko guztiek osatzen dute, haurdunaldian zehar kontrol zorrotzak eskatzen dituzten fetuaren sortzetiko akatsak edo amaren arrisku-faktoreak antzeman ahal izateko xedearekin. Diagnostiko mota honi esker, neurririk egokienak aurreikusi eta hartzeko aukera dugu, bai haurrarentzat zein amarentzat ere.
- Obozitoak ematea
Obozito emankorrik sortzen ez dituzten pazienteentzat irtenbidea izan daiteke. Emaitza onenak lortzen dituen teknika da, obozitoak emaile gazte eta osasuntsuenak baitira. Semena ematearekin gertatzen den modu berean, obozitoak ematea prozesu anonimo eta altruista da.
- Ugalkortasuna babestea
Tratamendu mota honek amatasuna atzeratu nahi edo behar duten bikoteei aukera ematen die etorkizunean seme-alabak izateko, laguntza bidezko ugalketa-teknikak erabiliz. Egokiak dira ugalkortasunari eragiten dieten tratamenduak jaso behar dituzten pertsonentzat, esaterako, minbizia diagnostikatu zaien pertsonak. Halaber, teknika hauek onuragarriak dira bestelako arrazoiengatik amatasuna atzeratzea erabakitzen duten emakumeentzat (lan-arrazoiak, arrazoi akademikoak, etab.). Gure zentroan eskaintzen ditugun ugalkortasuna babesteko tratamenduen barne dago obozitoen, enbrioien edo semen-laginen kriokontserbazioa.
© 2024 Quirónsalud - Todos los derechos reservados